I samarbeid med Universitetet i Innlandet (INN) og Akademiet er me no i gang med den første samlinga på Lena. Neste samling vert på Gjøvik.

Helseleiarutdanninga er ei praksisnær leiarutdanning for deg som arbeider med leiing innan helse og omsorgstenestene. Målet er å knyta teori tett saman med eigen praksis og leggja til rette for både fagleg og personleg utvikling.

Emne 1 handlar mellom anna om:
• Relasjonell leiing
• Leiing av myndiggjorde medarbeidarar
• Utvikling av personlege leiarferdigheiter
• Leiingsdilemma i kommunal sektor

Utdanninga legg stor vekt på refleksjon over eigen praksis, læring i fellesskap og nettverksbygging. Gjennom studiet får deltakarane arbeida med aktuelle utfordringar frå eigen arbeidskvardag og utvikla verktøy som kan takast direkte i bruk.

Dette vert eit spennande og lærerikt laup, og me gler oss til vegen vidare saman med denne gjengen. 

Lukka til med studiet!